നിവൃത്തിയില്ലെനിയ്ക്കിതല്ലാതൊന്നുമേ ...

മതിയ്ക്കുന്നു ഞാന്‍ നിന്‍ ജീവനെ പക്ഷെ
മതിയാകയില്ല നിന്‍ മാംസമെനിയ്ക്ക്

വിറയ്ക്കുന്നുവെന്‍ പല്ലുകള്‍ സ്വയമറിയാതെ
നിരാലംമ്പനാം നിന്‍ മെയ്യില്‍ കോര്‍ക്കുമ്പോള്‍

ശപിക്കല്ലേ നീയെന്നെ സോദരാ
നിവൃത്തിയില്ലെനിയ്ക്കിതല്ലാതൊന്നുമേ ...

നിനക്കായ് ...

കാത്തിരുന്നു ഞാന്‍
വഴിക്കണ്ണുമായ് നിന്നെക്കാണാന്‍
കാതോര്‍ത്തിരുന്നു ഞാന്‍
നിന്‍ പാദസരത്തിന്‍ കൊഞ്ചലിനായ്

ഉറങ്ങാന്‍ ശ്രമിച്ചു ഞാന്‍
നിന്നെ കിനാവുകാണാന്‍
മയങ്ങാന്‍ കഴിഞ്ഞില്ലെനിയ്ക്ക്
നീ നഷ്ടപ്പെടുമെന്ന ഭീതിയില്‍

പടപൊരുതും ഞാന്‍
ഏത് ശത്രുവിനോടും
                                        നിനക്കുവേണ്ടി ...
മറക്കുവാന്‍ കഴിയില്ലെനിയ്ക്ക്
പക്ഷെ മരിയ്ക്കുവാന്‍ കഴിയും
                                      നിനക്കായ് ...